 |
"සංවර්ධනයේ විශ්වසනීය මෙහෙයුම්කරු" "A reliable operator of development" "வளர்ச்சியின் நம்பகமான செயல்பாட்டாளர்"
|
-
முகப்பு
- செய்திகள்
"යටියන්තොට ජාත්යන්තර කාන්තා දින සැමරුම් වැඩසටහන"
යටියන්තොට ප්රාදේශීය ලේකම් නීතිඥ ප්රියංගනී පෙතන්ගොඩ මැතිනියගේ පූර්ණ උපදේශකත්වයෙන් කාර්යාලයේ වනිතා කටයුතු සහ ළමා ඒකකය විසින් 2022.03.12 සංවිධානය කරන ලද අතර මේ සඳහා කෑගල්ල දිස්ත්රික් සංවර්ධන කමිටු සම සභාපති , යටියන්තොට ප්රාදේශීය සංවර්ධන කමිටු සභාපති පාර්ලිමේන්තු මන්ත්රිනී රාජිකා වික්රමසිංහ මැතිනිය ඇතුළු දේශපාලන ක්රියාකාරීන් මෙන්ම ප්රාදේශීය කාන්තා බලමණ්ඩලයේ සාමාජිකාවන් සහ කාර්යාලයේ සහෝදර කාර්යමණ්ඩලය සහභාගී විය.
මෙහිදී පැමිණ සිටි 200ක් පමණ කාන්තාවන් වෙනුවෙන් "ව්යවසායකත්වය තුලින් රටේ සංවර්ධනයට ලක් වනිතාව" මැයෙන් අභිප්රේරණ වැඩසටහනක් සහ ගීත රසවින්දන වැඩසටහනක් ප්රවීණ මනෝවිද්යා උපදේශක,ව්යවසායකත්ව පුහුණු කරු දර්ශන වර්ණසේකර මැතිතුමාගේ සම්පත් දායකත්වයෙන් සිදුවිය.
යටියන්තොට ප්රාදේශීය ලේකම්තුමියගේ මග පෙන්වීම හා පොළොන්නරුවේ සමිත ස්වාමින් වහන්සේගේ අනුශාසකත්වය මත සමාජ සේවා අංශයේ මෙහෙයවීමෙන් ස්ව ශක්ති සංවිධානය විසින් 2022.03.10 දින යටියන්තොට ශ්රි නන්දාරාම විහාරස්ථානයේදී බෝධි පූජාවක් හා ධර්ම දේශනාවක් පවත්වා සංවත්සර නිලවරණය පවත්වන ලදි. මෙම අවස්ථාවට බෞද්ධ කටයුතු ,සංස්කෘතික,ග්රාම සංවර්ධන අංශ සහයෝගය ලබා දෙන ලදි.
"සොබා දහම් මාතාව සුරකිමු පණ මෙන් " යන අපුර්වතම සංකල්පය පෙරදැරිව කැළණි ගගේ පේර කැටේ දූපත අසල කුඹුක් පැළ රෝපණ වැඩසටහනක් සහ ශ්රමදානයක් 2022/03/01 දින පෙ:ව 9.00 - ප:ව 2.00 දක්වා යටියන්තොට ප්රාදේශීය ලේකම් නීතීඥ ප්රියංගනී පෙතන්ගොඩ මැතිණිය, ස්ව ශක්ති සංවිධානයේ සාමාජිකයන්, ප්රාදේශීය ලේකම් කාර්යාලයේ ළමා හා කාන්තා ඒකකයේ නිලධාරීන්, සමාජ සේවා නිලධාරීන්, ග්රාම නිලධාරීන් ,ආර්ථික සංවර්ධන නිලධාරින් ඇතුළු නිලධාරීන් බොහොමයක් ද කිතුල්ගල පොලිස් ස්ථානාධිපති තුමා ඇතුළු පොලිස් නිලධාරීන් ද ප්රාදේශීය ලේකම් කොට්ටාශයේ ළමා සමාජ දරුවන් , ප්රාදේශීය ළමා සභාවේ දරුවන් ,වැඩිහිටි බල මණ්ඩලයේ වැඩිහිටියන් එක්වෙමින් පවත්වන ලදී .මේ සදහා කිතුල්ගල පොලිස් ස්ථානය ප්රාදේශීය ලේකම් කාර්යාලය හා අත්වැල් බැඳ ගන්නා ලදී.
යටියන්තොට ප්රාදේශීය ලේකම්තුමියගේ මග පෙන්වීම යටතේ් වැවිලි ප්රජාවට සුවැති දිවියක් යන මැයෙන් 2022.03.09 වන දින යටියන්තොට ප්රාදේශීය ලේකම් කොට්ඨාශයේ වී ඔය වතු ප්රජාවගේ පෝෂණය ඉහල නැංවීම සඳහා පෝෂ්යදායී ආහාර සකස් කිරීම පිලිබඳ ප්රායෝගික පුහුණුවක් පවත්වන ලදී.ඊට අමතරව ගෙවතු වගාව සඳහා කොම්පෝස්ට් පොහොර සැකසීම පිලිබඳ ප්රායෝගික පුහුණු වැඩසටහනක් ,ගෘහස්ථ ඵලදායිතා ගෙවතු වගාව පිලිබඳ දැනුවත් කිරීමේ වැඩසටහනක් ද පවත්වන ලදී.මේ සඳහා මල්වත්ත ආයුර්වේද රෝහලේ ප්රජා සෞඛ්ය වෛද්ය නිලධාරීන් සහ යටියන්තොට ප්රාදේශීය ලේකම් කාර්යාලයේ වැවිලි ප්රජා නිලධාරී ,ඵලදායිතා සංවර්ධන නිලධාරීන් ,කෘෂිකර්ම සංවර්ධන නිලධාරීන් ,විදේශ රැකියා සංවර්ධන නිලධාරීන් හා පරිසර සංවර්ධන නිලධාරීන් සහභාගී විය
.
\
සමෘද්ධි හා අඩු ආදායම්ලාභී ගෘහ ඒකක ලක්ෂ දෙකක් සවිබල ගැන්වීමේ වැඩසටහන යටතේ 2022.02.22 දින යටියන්තොට ප්ර්රාදේශීය මහ ලේකම් කාර්යාලයේදී ප්රතිලාභීන් වෙත ස්වයං රැකියා සඳහා උපකරණ බෙදා දීමේ වැඩසටහන පවත්වන ලදී. ගෘහ ආර්ථික,ක්ෂුද්ර මූල්ය, ස්වයං රැකියා හා ව්යාපාර සංවර්ධන රාජ්ය අමාත්යාංශය යටතේ මෙම වැඩසටහන ක්රියාත්මකය. මෙයට සමගාමීව පාර්ලිමේන්තු මන්ත්රිනී රාජිකා වික්රමසිංහ මැතිණියගේ විමධ්යගත අරමුදල හරහා ප්රාදේශීය ලේකම් කොට්ඨාසය තුළ ලියාපදිංචි ස්වෙච්ඡා සමිති 52 ක් සඳහා LED ෆෑෂ් ලයිට් බෙදා දීම ද සිදු විය.එසේම වේවැල්, පිත්තල, මැටි, ලී බඩු සහ ග්රාමීය කර්මාන්ත ප්රවර්ධන රාජ්ය අමාත්යාංශය යටතේ ක්රියාත්මක "එක් ග්රාම නිලධාරි වසමකට එක් ව්යවසායකයෙකු බිහි කිරීම" දෙවන අදියර යටතේ උපකරණ බෙදා දීමද සිදු විය . කෑගල්ල දිස්ත්රික් සම්බන්ධීකරණ කමිටු සම සභාපති , යටියන්තොට සහ බුලත්කොහුපිටිය සම්බන්ධීකරණ කමිටු සභාපති කෑගල්ල දිස්ත්රික් පාර්ලිමේන්තු මන්ත්රිනී රාජිකා වික්රමසිංහ මැතිණිය හා යටියන්තොට ප්ර්රාදේශීය ලේකම් නීතිඥ ප්රියංගනී පෙතන්ගොඩ මැතිණියගේ ප්රධානත්වයෙන් මෙම වැඩසටහන රාජ්ය නිලධාරීන් හා ප්රාදේශීය දේශපාලන නායකයින්ගේ ද සහභාගිත්වයෙන් සිදු විය.
