 |
"සංවර්ධනයේ විශ්වසනීය මෙහෙයුම්කරු" "A reliable operator of development" "வளர்ச்சியின் நம்பகமான செயல்பாட்டாளர்"
|
-
முகப்பு
- செய்திகள்
ඉන්දීය ජනතාව ලාංකීය ජනතාව වෙනුවෙන් ලබා දුන් සහනාධාර යටතේ හාල් 125000kg යටියන්තොට ප්රාදේශීය ලේකම් කොට්ඨාසයේ වතු ජනතාව සහ අනෙකුත් සහනාධාරලාභීන් වෙත බෙදා දීම අපහසුතා මැද යටියන්තොට ප්රාදේශීය ලේකම් ප්රියංගනි පෙතන්ගොඩ මැතිනියගේ උපදේශකත්වයෙන් සාර්ථක අයුරින් සිදුවිය. මේ දිනවල රටේ පවතින උග්ර ඉන්ධන හිගය පැවතියත් අපේ වසම් 32ක පුරාවටම ප්රවාහනය කිරීම සඳහා අවශ්ය සහයෝගය ලබා දුන් කැලණිවැළි වතු සමාගමේ නියෝජ්ය සාමාන්යාධිකාරී එරන්ද වැලිකල මහතා (පනාවත්ත )ඇතුළු කලාපයේ එම වතු සමාගමේ කළමනාකරුවන් සියලු දෙනාටම බොහෝම පිං සිදු වේවා කෙනකුගේ බඩගින්න නිවන්න ලබා දුන් උපකාරයට. තවද නාගස්තැන්න ජනතා වතු සමාගම, බිබිලිඔයේ ලලන්ත මහතා,යටියන්තොට සමූපකාරය සහ මත්තමගොඩ රිස්මි මහතා ඇතුළු ලොරි රථ ලබා දුන් සැමට නැවතත් ස්තුතිය පුදකරමු. එසේම අප කාර්යාලයේ සහකාර ප්රාදේශීය ලේකම්තුමිය ඇතුළු මේ සඳහා උදව් වූ අපේ නිලධාරි සැමට ස්තුතියි
යටියන්තොට ප්රාදේශීය ලේකම් ප්රියංගනි පෙතන්ගොඩ මැතිනියගේ මගපෙන්වීම යටතේ බහුකාර්ය් සංවර්ධන සහායකයින් සදහා ආකල්ප වර්ධනය කිරීමේ අරමුණ ඇතිව සිදුකල උපදේශනය හා නායකත්ව පුහුණු වැඩසටහන යටියන්තොට පරුස්සැල්ල වී ඔය ගං ඉවුරේදී පැවැත්විණි.
යටියන්තොට ශ්රී නන්දරාම විහරස්ථ දායක පින්වතුන් වෙනුවෙන් හා ප්රාදේශීය ලේකම් කාර්යාලීය නිලධාරීන් සඳහා වගාවන්ට අවශ්ය මඤ්ඤොක්කා දඩු ලබා දෙන ලදි.
දැනට මඤ්ඤොක්කා පදුරු 6000ක් මේ මහපොළොවට දයාද කරන ලද අතර තවත් පදුරු 4000ක් සඳහා සියලු කටයුතු සුදනම්ව ඇත....
යටියන්තොට ප්රාදේශීය ලේකම් කාර්යාලයේ මැදිහත්වීමෙන් යටියන්තොට ප්රාදේශීය ලේකම් කොට්ඨාසයේ ප්රජාව ගොවිතැන සඳහා නැඹුරු කිරීමේ වැඩසටහන් යටතේ,2022.07.01 දින යටියන්තොට කබුලුමුල්ල ග්රාම නිලධාරි වසමේ ගොමාඩුව ගමේ ගෙවතු වගාවන් සඳහා බීජ ලබාදීම සහ කොරටු නිරික්ෂණය කිරිම පුජ්ය පොළොන්නරුවේ සමිත පොඩි හාමුදුරුවන් වහන්සේ සහ ප්රාදේශීය ලේකම් ප්රියංගනි පෙතන්ගොඩ මැතිනිය සහභාගී විය.
බත බුලතින් සරු සාරවත් යටියන්තොටක් නිර්මාණය කිරීම උදෙසා යටියන්තොට ප්රාදේශීය ලේකම් කොට්ඨාසයේ ප්රජාව ගොවිතැන කෙරෙහි දිරිගැන්වීම උදෙසා අවශ්ය බීජ තවාන් කිරීම ප්රාදේශීය ලේකම් ප්රියංගනි පෙතන්ගොඩ මැතිනිය, සහකාර ප්රාදේශීය ලේකම් මනෝරි නෙලුන්දෙනිය මැතිනිය සහ කාර්යාලයේ නිලධාරීන් එක්ව කටයුතු කලහ.
